Jamiat Al-Mustafa (s) – Tawi la Dar -es- Salaam, Tanzania | “Imam Ridha (a.s) na mradi wake wa kujenga jamii iliyo njema”

Shirika la Habari la Kimataifa la Ahlul-Bayt (a.s) - ABNA - Jamiat Al-Mustafa (s) – Tawi la Dar -es- Salaam, Tanzania, kupitia Kitengo cha Utafiti wa Kisayansi, kiliandaa Kongamano au Semina ya Kisayansi kuhusu: "Imam Ridha (a.s) na mradi wake wa kujenga jamii iliyo njema."

Mhadhiri: Samahat Sheikh Dkt. Reihan Yasin
Tarehe: Jumamosi, 10 Mei, 2025
Muda: Kuanzia saa 10:00 asubuhi hadi saa 6:00 mchana

Muhtasari wa Kongamano:
Ifuatayo ni muhtasari wa kongamano hilo la kielimu, ukieleza kwa kifupi mambo muhimu yaliyosisitizwa na Mheshimiwa Sheikh Dkt. Rayhan Yasin.

Utangulizi:

Wasifu wa Imam Ali bin Musa al-Ridha (a.s) ni miongoni mwa wasifu mashuhuri unaoonesha jukumu la uongozi wa Kiislamu katika kupambana na ufisadi na upotovu. Mradi wake wa mageuzi ulidhihirika kupitia mbinu ya kielimu na ya kimaadili iliyolenga kujenga jamii njema inayosimama juu ya misingi ya itikadi, maadili, na elimu.

Misingi ya Mjadala Katika Kongamano Hili:

1. Imam Ridha (a.s) katika mazingira ya mgogoro wa kisiasa na kifikra:
   • Tathmini ya hali ya kisiasa ya dola ya Abbasiyya chini ya utawala wa Ma’mun.
   • Msimamo wa Imam Ridha (as) kuhusu kukubali wadhifa wa Umakamu wa Khalifa na athari zake kijamii na kielimu.
2. Mbinu ya Kielimu ya Imam Ridha (a.s):
   • Nafasi yake katika mijadala na wafuasi wa dini na madhehebu tofauti.
   • Majukwaa ya kielimu na mijadala iliyoimarisha fikra sahihi ya Kiislamu.
   • Mchango wake katika kuweka msingi wa elimu ya kiakili na kiroho kwa Umma.
3. Maadili ya Imam Ridha (a.s) Katika Kujenga Mtu Mwema:
   • Huruma, uvumilivu, upole, unyenyekevu, na tabia njema.
   • Hadithi za Imam Ridha (as) kuhusu mtu kujisafisha nafsi yake na kujenga tabia ya Kiislamu.
4. Dhana ya Jamii Njema Katika Fikra za Imam Ridha (a.s):
   • Haki za kijamii.
   • Mshikamano na usaidizi baina ya wanajamii.
   • Kueneza elimu na kupambana na ujinga na uzushi.
5. Imam Ridha (a.s) na Ujenzi wa Utambulisho wa Kiislamu Unaounganisha:
   • Jinsi msimamo wake ulivyosaidia kuunganisha Waislamu.
   • Mwelekeo wake wa kukabiliana na mitazamo tofauti kupitia mjadala badala ya mgongano.

Hitimisho na Mapendekezo:

Samahat Sheikh Dkt. Reihan Yasin, alihitimisha mjadala wake kwa kutoa mapendekezo yafuatayo:

• Umuhimu wa kuiga maadili ya Imam Ridha (a.s) katika ujenzi wa jamii ya kisasa.
• Kuhimiza hotuba za kielimu na za kimaadili katika kukabiliana na changamoto za kifikra.
• Kueneza utamaduni wa mjadala na uvumilivu wa mawazo tofauti kama alivyofundisha Imam Ridha (a.s).